Gagn & Gaman

Hugmyndin að þessari síðu kviknaði í kjölfar umræðu um dapran og hnignandi orðaforða og orðskilning íslenskra ungmenna.

Í raun þarf ekki ungmenni til. Vissulega voru þeir sem tóku þátt í umræðunni sem ég vísa til komnir af léttasta skeiði og höfðu flestir þá sögu að segja að þeir hafi hlustað á skemmtilegar sögur sem afi þeirra og amma sögðu þeim. Sögur frá því í gamla daga þegar þau voru ung. Einnig var algengt að foreldrar lásu sögur fyrir börnin sín rétt fyrir háttinn. Og þar kom að við fórum að lesa sjálf okkur til uppfræðslu og ánægju. Öll vorum við sammála um að sögurnar og bókalesturinn hafi haft áhrif á lífsviðhorf okkar og án nokkurs vafa auðgað málfar okkar og orðskilning. Íslenskan er móðurmálið okkar. Íslenskan er auðugt og hljómfagurt mál. Í run er sönn unun af því að hlusta á eða lesa vandaðan texta á íslensku. Athugum að það er í raun engu til kostað að halda bókum og frásögnum að börnunum. Sögum sem sagðar eru á vönduðu máli á skýran og greinilegan hátt.

Öll vorum við sammála, sem tókum þátt í þessum umrðum, um að þrátt fyrir ofgnóft og auðvelt aðgengi að barnaefni í dag, sem börn horfa á í spjaldtölvum, símum og í sínum eigin snjalltækjum. Að þá væru sögurnar sem þar væru sagðar all verulega fjarri því sem ömmu og afa sögurnar voru sem við ólumst upp við.

Ekki endilega verri. En vissulega öðruvísi.

Til að gera langa sögu stutta, kom fram áskorun um að taka saman efni, helst sem mest íslenskt efni og birta á aðgengilegan hátt á vefsíðu sem sérstaklega væri ætluð börnum. Efni sem legði uppúr sagnaforminu. Myndskreyttar bækur. Myndbönd og sögur sem hlusta má á án þess að myndefni fylgi með. Jú og auðvitað einnig í bókarformi.

Með vísun í “gamla daga” fékk síðan nafni Gagn og Gaman. Það er heiti bókarinnar sem flest okkar sem komin eru í afa og ömmu hlutverkið í dag lærðum að lesa.

Heimasíða þessi veitir aðgang að vönduðu barnaefni.
Bókum, hljóðbókum, sönglögum og leikjum.

Verkefnið fór í loftið síðla árs 2023 með safni ævintýrabóka í rafrænu formi.
Síðan þá hefur bæst liðsauki frá listamönnum á borð við Kristján Hreinsson,
rithöfund og skáld sem leggur til safn af óútgefnum barnasögum. Hann er einnig
höfundur bæði tónlistar og texta á barnaplötu sem einnig er aðgengileg á síðunni.

Sögurnar hans Kristjáns eru frábærlega myndskreyttar, með göfugan boðskap og ritaðar á góðu máli.

Gagn og Gaman.is er áskriftarsíða sem býður fullan aðgang að fjölbreyttu úrvali af uppbyggilegu kennslu og afþreyingarefni fyrir börn.

Áskriftargjaldið er 8,00 dollarar. (á genginu 125 er sú upphæð kr.1000-) (við notum erlent kerfi til að selja áskriftina og notumst því við dollara en ekki krónur. Það er eingöngu gert í sparnaðarskyni)

Með virðingu og vinsemd
Ólafur Þór Ólafsson